Amăng mông tŭ jum khua anih jưh pơ ala kơ dêh čar El Salvador, Khua mir sir dêh čar ta pơsit Việt Nam lăng yôm hăng čang rơmang pơtrut dong tơlơi rô nao rai hăng hơdôm bôh dêh čar amăng kual Mỹ Latinh lăi hrom, hăng dêh čar El Salvador lăi ha jăn. Việt Nam djă pioh na nao pran jua gum hrom hơbit, tơlơi dŏng yua mơng mơnuih ƀôn sang Mỹ Latinh, amăng anun hmâo mơnuih ƀôn sang El Salvador, amăng bruă hrưn đĭ tlaih rơngai djuai ania hlâo adih hăng pơdŏng lŏn ia ră anai.

Khua mir sir dêh čar hăng Khua anih jưh pơ ala kơ India hrom hăng khua pơ ala nao pơhmư̆ mông tŭ jum

Hơ-ư̆č hmưi  ơi Sandeep Arya dưi ruah ngă Khua anih jưh pơ ala kơ dêh čar India ƀơi Việt Nam, Khua mir sir dêh čar ta ơi Nguyễn Xuân Phúc pơsit hơdră bruă ha sa mơng Việt Nam lăng yôm na nao tơlơi rô nao rai giăng mah hăng gum hrom bruă khom ngă abih bang hăng India, sa bôh dêh čar prong kơtang, hmâo bruă mă hăng pran gơgrong prong ƀơi kual hăng ƀơi rŏng lŏn tơnah. Hơ-ư̆č hmưi yă Oh Youngju dưi ruah ngă Khua anih jưh pơ ala blung a kơ Hàn Quốc ƀơi Việt Nam, Khua mir sir dêh čar ta ơi Nguyễn Xuân Phúc đăo gơnang hăng tơlơi găn rơgao lu mơta mơng yă Oh Youngju, tơlơi rô nao rai dua bôh dêh čar amra jai hrơi jai pơđĭ kyar hloh dong sit nik ba glăi bôh tŭ yua./.