Mơguah lơ 3/11, Khua mir sir dêh čar ơi Nguyễn Xuân Phúc tŭ jum Khua anih jưh pơ ala kơ hơdôm bôh dêh čar Arab pơlir hơbit (UAE) Obaid Saeed Al Dhaheri nao lăi pơthâo ñu pơđut rơwang bruă ƀơi Việt Nam. Khua mir sir dêh čar ơi Nguyễn Xuân Phúc hơ-ư̆č hmưi Khua anih jưh pơ ala ngă giong klă hiam rơwang bruă ƀơi Việt Nam, hrom hăng anun pơsit yôm hơdôm tơlơi gum hơgôp mơng Khua anih jưh amăng kơtưn tơlơi rô nao rai giăng mah, gum hrom lu mơta kơplah wah Việt Nam hăng hơdôm bôh dêh čar kual Arab pơlir hơbit.

Việt Nam pơsit yôm bruă mă yôm phăn mơng UAE ƀơi kual hăng hơdôm mông bơkơtuai lu bơnah. Kiăng pơtrut tơlơi rô nao rai gum hrom dua bôh dêh čar, Khua mir sir dêh čar rơkâo dua bơnah pok pơhai hơdôm bruă mă kah hăng kơtưn bơkơtuai nao rai hơdôm gưl khul, biă ñu grŭp gưl dlông; gum hrom pơphun hơdôm bruă kơđi čar, bơwih ƀong hăng bôh thâo anăp nao truh hơdor glăi 30 thun pơdŏng bruă pơtom hiăp kơplah wah dua bôh dêh čar amăng thun 2023; gum hrom klă hăng dŏng yua tơdruă amăng hơdôm bruă bơkơtuai, khul grŭp jar kơmar hăng amăng kual./.