Khua mir sir dêh čar tŭ jum Khua khul pơphô bruă bơwih ƀong APEC 2025
Thứ tư, 14:00, 16/07/2025
VOV/Siu H'Mai pơblang
VOV/Siu H'Mai pơblang
VOV4.Jarai - Tlam lơ 15/7, amăng mông jơnum tal 3 Khul khua pơphô bruă bơwih ƀong APEC (ABAC 3), Khua mir sir ơi Lương Cường hơmâo tŭ jum ơi Hyun Sang Cho - Khua ABAC 2025, Kơ-iăng khua Grup bơwih ƀong prong Hyosung (Hàn Quốc).
Khua mir sir lăng ABAC 3 jing hrơi mông yôm kiăng abih bang kual bơwih ƀong huă sĭ mơdrô gum pơgôp kơ Jơnum khua mua APEC 2025 ƀơi dêh čar Hàn Quốc. Khua mir sir đăo kơnang Việt Nam amra gum pơgôp prong kơ tal jơnum, pơtrut đĭ kyar, đĭ kyar kjăp hăng akŏ pơdong tơlơi bơwih ƀong pơ anăp pok pơhư prong, abih bang kơ kual ASIA - Thái Bình Dương.
Lăng yôm hơdôm kơčăo bruă tuh pơ alin mơ̆ng Grup Hyosung ƀơi Việt Nam, Khua mir sir pơsit Việt Nam hok mơak anom bruă tuh pơ alin boh thâo măi mok yôm, pơčeh phrâo tơlơi rơgơi. Khua mir sir kiăng ơi Hyun Sang Cho pơtruh brơi tơlơi ngă hrŏm kơplah wah anom bơwih ƀong Việt Nam hăng ƀing gŏp amăng kual, gum pơgôp kơ tơlơi ngă hrŏm bơwih ƀong dua bơnah hăng lu bơnah./.
Viết bình luận