Amăng mông tŭ jum, Khua mir sir dêh čar Võ Văn Thưởng lăi pơthâo truh hơdôm anom bơwih ƀong hăng mơnuih tuh pơplai dêh čar Mi kơ hơdôm hơdră bruă hăng pơsit jơlan gah bruă mă mơ̆ng Việt Nam hăng pơđĭ kyar bơwih ƀong; lăi rơđah, lu thun rơgao, Mi lĕ bơnah sĭ mơdrô nao rai yôm phăn mơ̆ng Việt Nam.

Khua mir sir lăi rơđah, bruă dua bôh dêh čar pơđĭ tui tơlơi rô nao rai truh rơwang Gum hrŏm abih bang jing tơhnal gal prong pioh hơdôm bôh anom bơwih ƀong Mi kơtưn gum hrŏm hăng hơdôm bôh anom bơwih ƀong hăng biă ñu hơdôm tơring čar, ƀôn prong amăng dêh čar Việt Nam. Gah sa dua mơta tơlơi glăk ngă gun amăng gum hrŏm dua bơnah, Khua mir sir dêh čar Võ Văn Thưởng čang rơmang hơdôm bôh anom bơwih ƀong Mi hmâo hrŏm bôh pơhiăp kiăng Gong gai Mi tañ tŭ yap hơdră bơwih ƀong sĭ mơdrô mơ̆ng Việt Nam; tañ ba Việt Nam tơbiă mơ̆ng hră čih anăn hơdư̆ djru gơnam pơkĕ apui lơtrik pioh gal brơi kơ hơdôm jơlan hơdră, rơwang bruă gum hrŏm kơplah wah dua bơnah./.