Pơtŏng sit gru grua lăp ư-ang mơ̆ng Ling tơhan hơdeč hmar tơdơi kơ 56 thun pơdŏng, blah wang hăng gơgrong kơjăp, Khua mir sir dêh čar ta lăi rơđah, hơdôm mơnuih apăn bruă tơhan, ling tơhan hơdeč hmar dưi ngă prong amăng bruă mă mơ̆ng pô, hrŏm hăng đơ đam dêh čar ngă giong bruă tlaih rơngai djuai ania, pơlir hơbit lŏn ia.

Amăng rơwang ră anai, Ling tơhan hơdeč hmar hmâo ngă klă laih bruă pơphô brơi, ba tơbiă hăng Ping gah Khul ling tơhan dêh čar, Ding jum Khul ling tơhan dêh čar pơdŏng hăng pơđĭ kyar hơdôm khul tơhan hơdeč hmar tui jơlan gah hơdeč hmar, rơguăt, kơtang; ngă tui klă bruă jao – anom ba jơlan hlâo kơdŏng ƀing ngă pirat abih bang khul ling tơhan. Khua mir sir dêh čar ta črâo ba khom pơdŏng khul tơhan hơdeč hmar Việt Nam thâo gah bruă kơđi čar; hmâo pran jua gơgrong bruă kơđi čar kơjăp phik, hmâo pran hrưn đĭ prong; jing khul tơhan blah wang hmâo arăng đăo kơnang pha ra, khut khăt ha pran jua hăng Ping gah, hăng Lŏn ia hăng mơnuih ƀôn sang./.