Khua mir sir ơi Nguyễn Xuân Phúc, Khua khul git gai jơnum anai. Đĭ pơhiăp amăng mông jơnum, Khua mir sir ơi Nguyễn Xuân Phúc, Khua khul git gai rơkâo ƀing ding kơna amăng Khul lăng glăi hơdôm boh than ngă tui bruă jao tui akŏ bruă; tŏ tui pơčrông sai amăng hơdôm kơčuă bruă tong ten amăng hră lăng glăi 10 thun ngă tui tơlơi pơtrun gơnong glông 8 tal XI.

Khua mir sir lăi rơđah, tơlơi pơtrun gơnong glông 8 tal XI hơmâo lăi nao tơlơi črâo trun, tơlơi pơmĭn phrâo, anai lĕ anŏ pơplih phrâo amăng bruă git gai mơng Ping gah hăng bruă wai pơgang lŏn ia amăng 10 thun laih rơgao. Yua anun, kiăng pơsit tong bruă pơjing črăn tơlơi pơtrun plih hĭ tơlơi pơtrun 8 tal XI pơhlôm brơi tŏ tui hơdôm boh tơhnal yôm mơng tơlơi pơtrun gơnong glông 8; hơdôm tơlơi dưi, tơlơi găn rơgao sit nik amăng 30 thun pơplih phrâo; pơhrua boh tơhnal phrâo lăp djơ̆ hăng tơlơi sit nik ră anai.