Khua mir sir hăng Bơnai ñu ƀong lăng Ƀanh mi Xin chào ƀơi Tokyo, Japan
Thứ tư, 10:00, 29/11/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Ƀrô hrơi nao čuă sit nik dêh čar Japan, mơguah lơ 28/11, Khua mir sir Võ Văn Thưởng hăng Bơnai ñu nao čuă sang ƀong huă anăn “Bánh mì Xin chào” yua dua čô čơđai sang hră mơ̆ng dêh čar Việt Nam hlâo adih hrăm pơ anai pơphun ngă laih anun glăk tŭ yua biă.
Anun lĕ dua adơi ayong Bùi Thanh Duy 37 thun hăng Bùi Thanh Tâm - 32 thun, plơi ƀing ñu mơ̆ng Quảng Nam. Hơmâo pơphun bơwih ƀong mơ̆ng thun 2016, truh ră anai anăn “Bánh mì Xin chào” pơđĭ kyar jing 15 boh anom sĭ mơdrô ƀơi đơ đam dêh čar Japan, mơ̆ng anun pơƀuh mơnŏng ƀong huă djă gru hiam mơ̆ng Việt Nam ƀơi “kual lŏn hơmâo bơnga anh đào”; laih dong pơƀuh rup, gru grua, pran jua gir kơtir mơ̆ng hlăk ai Việt Nam kiăng dêh čar Japan thâo. Khua mir sir Võ Văn Thưởng hăng Bơnai ñu, hrŏm hăng ƀing tuai mơ̆ng Japan ƀong lăng djŏp gơnam ƀong huă hmư̆ hing mơ̆ng Việt Nam kah hăng ƀañ mi, mi Quảng, phở, kơphê, če mih, gỏi cuốn...
Viết bình luận