Khua mir sir hơmâo pơlăi nao rai hơdră bruă ƀơi Khul pơtom hiăp dêh čar Mi
Thứ năm, 10:17, 16/11/2023
VOV/Siu Đoan Pơblang
VOV/Siu Đoan Pơblang
VOV4.Jarai - Amăng jơlan hơdră mut hrŏm rơwang hrơi tơjuh jơnum khua mua pơprong Jơnum ngă hrŏm bơwih ƀong huă kual Asia-Thái Bình Dương (APEC) 2023 hăng mut hrŏm hơdôm mông pơbưp dua bơnah ƀơi dêh čar Mi, mơguah hrơi anai (16/11), tui mông ƀơi Việt Nam, ƀơi ƀôn prong San Francisco, Khua mir sir Võ Văn Thưởng hơmâo mông pơlăi nao rai hơdră bruă amăng khul pơtom hiăp dêh čar Mi.
Đĭ pơhiăp amăng mông jơnum bơkơtuai, Khua mir sir Võ Văn Thưởng lăng yôm Khul pơtom hiăp dêh čar Mi amăng hơdôm bruă ngă hrŏm amăng hơdôm thun laih rơgao hăng Việt Nam, pơgôp prong amăng kơtưn thâo hluh tơdruă kơplah wah dua djuai ania hăng pơđĭ kyar kơplah wah dua boh dêh čar.
Khua mir sir čang rơmang tŏ tui hơmâo tơlơi dong yua, djru yôm phăn mơng dêh čar ngă gŏp Mi hăng bruă pơđĭ kyar hăng mut hrŏm jar kmar mơng Việt Nam. Kơ tơlơi rô nao rai Việt Nam-Mi, Khua mir sir lăi glăi hơdôm tơlơi glêh tơnap amăng tơlơi rô nao rai dua bơnah truh hrơi ngă bơmơ-ak glăi amăng thun 1995, sit biă ñu lĕ tơlơi kơ pơsit rô nao rai ngă hrŏm djop mơta amăng thun 2013, tơlơi rô nao rai jai pơđĭ kyar kơtang, dơlăm, sit nik, tŭ yua hloh.
Viết bình luận