Rai čuă Việt Nam tal anai, Khua mir sir dêh čar Nam Phi ơi Cyril Ramaphosa čang rơmang djru pơđĭ tui boh yom rô nao rai dua bơnah, pơtrut tui sĭ mơdrô, pok prong ngă hrŏm amăng hơdôm bruă yom phun kah hăng ngă hmua, ling tơhan, boh thâo ia rơgơi hăng lu bruă pơkŏn.

Him lăng, amăng tal nao čuă, Khua mir sir dêh čar Nam Phi ơi Cyril Ramaphosa pioh mông jơnum hăng Khua mir sir ơi Lương Cường laih anun bưp khua mua pơprong mơ̆ng dêh čar Việt Nam bơkơtuai hơdôm bruă yom phun. Khua mir sir Cyril Ramaphosa ăt nao jơnum tom mơn hrơi kĭ Hră ƀuăn hrŏm mơ̆ng Sang gum hơbit djŏp dêh čar kơ Pơkơdong ngă soh plang internet ƀudah iâu lĕ Hră ƀuăn Hà Nội.