Amăng mông ngă lơphet, Khua mir sir Võ Văn Thưởng lăng yôm Jơnum min djop djuai ania mơnuih mơnam Việt Nam, Khul pơlir hơbit mơnuih mă bruă Việt Nam hăng Khul ia jrao kyâo bơrơkal mriah Việt Nam hơdôm thun laih rơgao hơmâo gum hrŏm hăng djop ƀon lan, hơmâo lu tơlơi pơčeh phrâo mơng hơdôm kual ataih, asuek đơ đam dêh čar kiăng pơphun bơwih brơi, djru brơi mơnuih ƀôn sang.

Amăng jơlan hơdră “Tết khăp pap” hơmâo pơphun ƀơi să Thanh Thủy, tơring glông Thanh Chương, hơmâo lu anih pơdă gơnam Tết hăng hơdôm gơnam juăt yua kiăng djru brơi soh sel kơ neh met wa. Rơbêh 20 klai prăk, 6.000 apui yua pơkrem, sang apui tơnă hơbai brơi sang hră čơđai anet, sang dŏ mơng khul ia jrao kyâo bơrơkal mriah hăng lu gơnam hơmâo jao brơi hơdôm boh ƀon lan, sang anŏ tui hơdră djru, sang anŏ ƀun rin, kông ñơn tơnap tap. Jao lu anung gơnam hăng mơ-it nao tơlơi pơpŭ thun phrâo tơl neh met wa, Khua mir sir čang rơmang neh met wa amra tŏ tui gru grua yôm phara mơng djuai ania anun lĕ pran gum pơgôp, khăp pap, djru tơdruă, gum hrŏm pơjing tơlơi hơdip phrâo, sit biă ñu Nghệ An amra jing tơring čar đĭ đăi, ƀu hơmâo sang anŏ ƀun rin hăng giăm ƀun rin dong tah.