Jơlan hơdră “Bơyan bơnga giăm guai pơđao pran jua ană plơi pla” juăt pơphun lơm truh bơyan čơkă thun phrâo. Jơlan hơdră anai hơmâo ngă lar hyu amăng abih bang, hơmâo djop gưl, gơnong bruă, khul grup hăng mơnuih ƀôn sang mơng gơnong glông truh pơ ƀon lan đing nao, gum tơngan hrŏm. Đĭ pơhiăp amăng jơlan hơdră anai, pơ ala brơi khua mua Ping gah, kơnuk kơna, Khua mir sir Võ Văn Thưởng hơmâo mơ-it nao tơlơi tơña bla, pơpŭ hơ-ơč thun phrâo hiam klă hloh tơl abih bang mơnuih apăn bruă, ling tơhan pơgang guai, mơnuih djop djuai ania kual giăm guai, bul pơtâo.

Khua mir sir lăi pơtong, kual giăm guai dŏ lu tơlơi tơnap tap, ling tơhan hơmâo lu hơbô̆ bruă, jơlan hơdră sit nik, yôm phăn, djru khăp pap, anai lĕ tơlơi jê̆ giăm hăng juăt ƀuh mơng pran khăp pap kơplah wah ling tơhan hăng mơnuih ƀôn sang đơ đam dêh čar. Rĭm thun, truh bơyan bơnga, jơlan hơdră “Bơyan bơnga giăm guai pơđao pran jua ană plơi pla”  pơphun dik dak mơng kual giăm guai truh pơ bul pơtâo plao ia rơsĭ, jing tơlơi pơdah tong ten pran pơlir hơbit kơplah wah ling tơhan hăng mơnuih ƀôn sang djop djuai anai.