Đĭ pơhiăp amăng mông ngă lơphet, Khua mir sir ơi Võ Văn Thưởng mơ-it nao tơlơi pơpŭ hiam klă hloh tơl ƀing apăn bruă, nai pơtô, ling tơhan amăng sang hră pơtô ling tơhan, laih dong lăng yôm bruă Sang hră lêng djă pioh kjăp gru grua, lĕ sa anih pơtô hrăm, kơsem min amăng bruă ling tơhan hăng đơ đam dêh čar.

Hrŏm hăng bruă jao pơtô hrăm, Khua mir sir rơkâo sang hră ƀu pơdơi hrưn đĭ klă dong amăng ngă hrŏm jar kmar amăng pơtô hrăm; lăng yôm bruă jao amăng pơtô hrăm brơi ƀing mơnuih apăn bruă gah ling tơhan, laih dong djru brơi dua boh dêh čar Lao hăng Kur. Khua mir sir đăo gơnang, hăng gru grua hing ang 46 thun akŏ pơjing, pơđĭ kyar hăng prong kơtang, sang hră pơtô ling tơhan amra pơgiong bruă jao amăng thun hrăm 2023-2024; laih dong pơsit tong tơlơi yak nao kjăp hluai tui boh thâo hăng bruă mă sit nik mơ̆ ling tơhan, Ping gah dưi ngă.