Pơhiăp amăng mông jơnum. Khua mir sir dêh čar ta ơi Nguyễn Xuân Phúc lăi lĕ rŏng lŏn tơnah glăk lăng ƀuh hơdôm tơlơi pơplih dơlăm, hmâo tơhnal gru grua hăng lu bôh than ƀu hơđong hăng tơnap him lăng.

Bruă bơkơtuai APEC ăt glăk bŏng glăi mơn hăng hơdôm tơlơi lông akă ƀu hmâo mơng hlâo, yua anun, hơdôm tơlơi hơget ƀing ding kơna tŭ ư hrom amăng tơlơi pơmin hăng bruă ngă ră anai hmâo bôh tŭ yua yôm phăn biă hăng APEC hăng brơi kơ lu rơnuk tơdơi anai dong. Khua mir sir lăi rơđah sa kual ASIA – Thái Bình Dương rơnuk rơnua, hơđong, gum hrom, pơdrong asah hăng pơđĭ kyar kơjăp phik jing tơhnal anăp nao, jing bruă gơgrong hrom, khom hmâo tơlơi gum tơngan hrom, jê̆ giăm mơng abih bang hơdôm bôh dêh čar APEC./.