Bruă jơnum hmâo tơlơi pơhmư̆ mơng rơbêh kơ 850 čô khua git gai hơdôm bôh anom bơwih ƀong ba jơlan hlâo rŏng lŏn tơnah hăng amăng kual, hăng khua pơ ala mơng hơdôm khul grŭp jar kơmar. Pơhiăp amăng mông jơnum, Khua mir sir dêh čar ta ơi Nguyễn Xuân Phúc lăi đĭ sa dua tơlơi lông hăng bruă sĭ mơdrô hăng tuh pơplai mơng rŏng lŏn tơnah, kah hăng đĭ kyar bruă sĭ mơdrô đơ đam rŏng lŏn tơnah thun anai kơnong kơ hmâo 3,5% hăng hrŏ trun kơtang dô̆ 1% amăng thun dơi; hơdôm tơlơi rung răng bruă kơđi čar, nua apui yua hăng braih piang đĭ lu, ngă đut hĭ bruă pơlir hơbit, đĭ nua gơnam lu.

Khua mir sir Nguyễn Xuân Phúc ăt lăi đĭ mơn hơdôm anô̆ gal hăng tơhnal gal lom gum hrom hăng Việt Nam, amăng anun hmâo kĭ pơkôl hăng ngă tui laih giăm truh 60 mơta tơlơi pơkôl pơtrut pơsur, pơgang ba tuh pơplai hăng ngă tui 15 mơta Tơlơi pơkôl sĭ mơdrô mơ-ak klă (FTA), amăng anun hmâo lu FTA rơnuk phrâo./.