Mut amăng thun phrâo 2026, jing thun blung a pok pơhai ngă Tơlơi pơtrun jơnum ping gah dêh čar tal 14 hăng Jơlan hơdră ngă bruă tui Tơlơi pơtrun ping gah Dêh čar tal 14 hăng Tơlơi pơtrun Ping gah Lào Lai, Khua mir sir ơi Lương Cường lăi anai jing thun yom biă mă, pok pơphun brơi rơwang bruă đĭ kyar phrâo kiăng ngă truh kih 2 tơlơi anăp nao 100 thun: Truh thun 2030 ba lŏn ia ta jing dêh čar glăk đĭ kyar hăng măi mok rơnuk phrâo, prăk pơhrui lu; truh thun 2045 jing dêh čar đĭ kyar, prăk pơhrui lu.

Khua mir sir ơi Lương Cường kiăng Ping gah, gong gai hăng mơnuih ƀôn sang tơring čar Lào Cai pơtrut tui gru gum pơgôp, mă yua klă tơlơi gêh găl, pơphun ngă khut djŏp bruă đĭ kyar bơwih ƀong huă - mơnuih mơnam; pơtrut pơplih anom bruă kơnuk kơna, pơđĭ tui anŏ klă gong gai 2 gưl; lăng ba tơlơi hơdip mơda mơnuih ƀôn sang, bong kjăp rơnuk rơnua pơgang lŏn ia, ngă pô wai lăng guai dêh čar.