Pơpŭ pran gơgrong, tơlơi gir run mơng ƀing apăn bruă, mơnuih mă bruă, Khua mir sir ăt lăi nao tong ten, ƀơi anăp tơlơi rơkâo jai hrơi prong tui mơng bruă jao amăng rơwang phrâo, Anom bruă khua mir sir kiăng tŏ tui pơplih kơtang ƀiă dong; kơtưn amăng bruă pơhrăm, kơsem min, hrưn đĭ klă amăng pơphô bruă; krăo tui tơlơi glăm ba, bruă jao mơng khua mir sir, kơ-iăng Khua mir sir rơkâo hmao tlôn, djơ̆ ară, tŭ yua.

Khua mir sir rơkâo anom bruă tŏ tui gru grua rơbêh 80 thun pơjing hăng prong kơtang, djă pioh pran gum pơgôp, đĭ tui pran gơgrong, “mơ-ak bơyan bơnga phrâo samơ̆ anăm wơr bruă jao”, gir run pơgiong klă djop bruă jao, pơgôp hrŏm hăng Ping gah, abih bang mơnuih ƀôn sang ba lŏn ia ta pơđĭ kyar tañ hăng hơđong kjăp.