Pơhiăp amăng mông jơnum bưp, Khua mir sir ơi Lương Cường pơdah pran jua hok mơak hăng dlưh pran jua dưi bưp abih bang khua mua apăn bruă, mơnuih mă bruă amăng Anom bruă khua mir sir, anom bruă jĕ giăm tong ten, gum hrŏm laih anun djru bruă Khua mir sir ngă tui djơ̆ bruă phrâo mơ̆ Ping gah, Kơnuk kơna hăng ƀing pơ ala mơnuih ƀôn sang dêh čar đăo kơnang hăng jao brơi.

Tơdơi kơ hmư̆ lăi pơthâo klah čun tơlơi pơhing, bruă mă hăng akŏ bruă či ngă pơ anăp, Khua mir sir lăi lĕ, kiăng dưi ngă giong bruă jao, rơngiao kơ gir run mơ̆ng rim čô, tơlơi djru ba mơ̆ng ƀing khua mua apăn bruă ping gah, kơnuk kơna, djop anom bruă pơ gơnong dlông, djop ding jum anom bruă, tơring čar, ăt čang rơmang jơmâo tơlơi djru hrŏm mơ̆ng Kơ-iăng Khua mir sir, ƀing khua mua apăn bruă hăng mơnuih mă bruă amăng Anom khua mir sir mut hrŏm ha pran jua amra dưi ngă giong bruă jao prong prin kơ sa čô khua apăn bruă kơ Lŏn ia; ăt kah hăng pơ ala kơ kơnuk kơna amăng bruă mă pơtom hiăp, bruă ngă amăng lăm dêh čar dưi ngă tui djop mơta bruă glăm ba, tơlơi dưi mơ̆ng Khua mir sir tui hăng Phiah phiăn lŏn ia pơkă laih.