Tơdơi kơ hmư̆ tơlơi pơgôp hiăp, rơkâo đĭ mơng mơnuih ƀôn sang, đĭ pơhiăp amăng mông jơnum, Khua mir sir ơi Lương Cường brơi thâo, jơnum lok 10, Khua pơ ala mơnuih ƀôn sang dêh čar tal XV pơ anăp lĕ jơnum rơnuč rơwang ngă bruă, yôm phăn biă mă, kiăng lăng glăi bruă mă amăng ha rơơwang ngă bruă rah, kiăng ba tơbiă jơlan gah brơi rơwang pơđĭ kyar phrâo; amăng anun Khua pơ ala mơnuih ƀôn sang amra sem lăng, pơsit hơdôm bruă pơprong, amăng anun hơmâo giăm 50 črăn tơlơi phiăn, tơlơi pơtrun hăng 13 boh tơhnal prong amăng bơwih ƀong huă-mơnuih mơnam, hrŏm hăng lu bruă akŏ phun pơkŏn.

Lăi pơtong rĭm tơlơi truh kih amăng lŏn ia, mơng ƀôn prong lêng hơmâo tơlơi gum pơgôp yôm mơng mơnuih ƀôn sang, Khua mir sir čang rơmang neh met wa tŏ tui gru grua ngă hơkrŭ sông kơtang, gum pơgôp, ha pran hrŏm hăng lŏn ia, gum tơngan pơjing ƀôn prong Hồ Chí Minh hiam klă, pơplih phrâo, khăp pap; pơjing lŏn ia ta jai hrơi prong kơtang, hrưn đĭ bơkơnar hăng hơdôm boh dêh čar tui tơlơi wa Hồ kiăng khăp čang rơmang.