Pơhiăp ƀơi mông jơnum, Khua mir sir ơi Lương Cường lăi pơtong, ră anai dŏ rơbêh sa blan đôč amra pơđut yơh thun 2025, hăng hrơi blan ƀiă anun, bruă mă dŏ lu, tơlơi kiăng pơsir bruă dŏ prong đôč. Yua kơ anun, anom bruă khua mir sir gir run lu hloh, prăp lui tong ten, pok pơhai bruă mă tui akŏ bruă dăp hlâo djơ̆ rơ-ua, tong ten, djơ̆ hăng tơlơi phiăn, tơlơi pơkă pơhlom akŏ klôn; hơdôm yak či ngă bruă pok pơhai lăng kơ tơhnal pơkă boh tŭ yua hiam amra ngă bruă, ngă tơlơi pơkă hnơ̆ng.

Laih dơ̆ng ăt pơđĭ tui tơlơi glăm ba amăng bruă mă, ngă hrŏm sa pran jua mơ̆ng lu sang bruă, anom bruă pơdjơ̆ nao, sem lăng tơlơi pơhing amăng bruă mă, prăp lui lăi pơthâo, jŭ yap glăi abih amăng bruă mă, ngă tui re se hăng ječ ameč. Hrŏm hăng anun, anom bruă khua mir sir ăt pơtum git gai, pơčrâo bruă pơphun klă pơƀut bruă mă amăng thun 2025, pok pơhai bruă mă thun 2026; amăng anun pơtong glăi boh tơhnal dưi ngă hăng hơdôm tơlơi aka ƀu dưi pơsir giong, kiăng hơmâo anŏ tŭ yua sit nik, djơ̆ lăp tơpă ară pioh dăp hơdră, pok pơhai bruă či ngă thun blan pơ anăp, kiăng tŭ mă boh tơhnal hiam klă hloh.