Tơdơi kơ hmư̆ tơlơi pơgôp hiăp mơng ƀing pơ ala djop ding jum, gơnong bruă, khua mua sang phat kơđi, Khua mir sir ơi Lương Cường brơi thâo, mơng akŏ rơwang Jơnum Ping gah tal XIII truh ră anai, hrŏm hăng lu tơlơi gêh gal mơ̆ gơnong bruă sang phat kơđi ăt bưp lu tơnap tap samơ̆ abih bang lêng kơ hluh rơđah bruă mă, bruă jao, gum pơgôp gir run pơgiong klă bruă jao, tơlơi glăm ba tui tơlơi pơkă.

Khua mir sir ăt lăi nao tong ten bruă aka ƀu klă hăng rơkâo sang phat kơđi pơsir hĭ kiăng ngă klă bruă jao, pơgôp ngă truh kih hơdôm hơnong pơkă, bruă jao pơ anăp dong. Khua mir sir đăo gơnang hăng pran gum pơgôp, gir run abih pran jua, djop sang phat kơđi amra găn rơgao tơnap tap, tơlơi lông hăng pơgiong klă bruă jao, tơlơi glăm ba mơng ƀing gơñu, pơđĭ kyar djop mơta hăng kơtang ƀiă dong pơ anăp anai.