Amăng mông mă bruă, tơdơi kơ hmư̆ hră lăi pơthâo hăng hơdôm tơlơi pơgôp hiăp, Khua mir sir ơi Lương Cường bơtŭ ư hăng hơdôm boh tơhnal hơmâo lăi, laih dong lăi pơtong tơlơi rơkâo hruă kjăp, kiăo tui hơdôm hơdră bruă, tơlơi črâo trun mơng Ding jum kơđi čar, Khul git gai Ping gah, kah hăng hơdôm tơlơi črâo ba mơng hơdôm anom bruă bơdjơ̆ nao amăng bruă pơphun hơdôm bruă mă amăng bơyan ngui Tết tui phiăn juăt Bính Ngọ. Khua mir sir lăi pơtong kiăng prap lui klă hơdôm tơlơi gal djru brơi mơnuih ƀôn sang čơkă thun phrâo Bính Ngọ 2026 rơnuk rơnua, mơ-ak mơ-ak, pơkrem, ngă hur har pran jua hăng pơtrut Ping gah, abih bang mơnuih ƀôn sang, ling tơhan gir run ngă truh kih tơlơi pơtrun mơng Jơnum ruah khua mua đơ đam dêh čar mơng tal XIV mơng Ping gah mơng hơdôm blan akŏ thun 2026.

Pơphun klă bruă nao tơña bla, juh pơ alum, pơpŭ hơ-ơč thun phrâo brơi ƀing tơhan ngă hơkrŭ đưm, amĭ Việt Nam sông kơtang, tơhan rơka, tơhan duam ruă, sang anŏ tơhan djai pơsăn drơi, sang anŏ djru ngă hơkrŭ, sang anŏ tui hơdră djru, ƀing rơgơi kơhnâo, ƀing čih boh pia, adôh suang, mơnuih arăng đăo gơnang amăng kual djuai ania ƀiă, ƀing kŏm drơi jăn tui đăo ba gru, hơdôm anom bruă ling tơhan, tơhan glăk wai pơgang ngă tui bruă jao amăng bơyan ƀong tết ƀơi kual giăm guai, bul pơtâo, kual ataih, asuek, hơdôm anih tơnap tap hloh…pơhlôm brơi djop sang anŏ, abih bang mơnuih lêng kơ dưi čơkă thun phrâo mơ-ak mơ-ai.