Amăng hră mơ-it hơmâo čih: “Ngui bơyan blan bơrơmi hơmâo mơng đưm hlâo laih, jing gru grua hiam ƀu kơƀah ôh amăng tơlơi hơdip mơda, gru grua mơng mơnuih ƀôn sang Việt Nam. Anai lĕ hrơi mông kiăng ƀing čơđai pơtum jơngum, ngui mơ-ak hrŏm sang anŏ hăng gơyut gơyâo. Ping gah, kơnuk kơna hăng abih bang mơnuih lêng kơ đing nao biă mă ƀing čơđai, lêng kơ ngă gêh gal hloh kiăng ƀing čơđai dưi hrăm hră, ngui ngor rơnuk rơnua hăng pơđĭ kyar djop mơta. Wa čang rơmang ƀing čơđai tŏ tui pran gir kơtir hrăm hră, hơdip săng, gum pơgôp, khăp pap hăng thâo djru tơdruă kiăng hrưn đĭ, čung ba hơdip klă tui, kiăng pơgôp pran pơjing lŏn ia Việt Nam jai hrơi pơdrong sah, hiam klă.

Ƀrô bơyan blan bơrơmi thun 2025, wa mơ-it nao abih bang ƀing čơđai tơlơi đăo gơnang, tơlơi čang rơmang. Pơpŭ ƀing čơđai dưi čơkă bơyan blan bơrơmi mơ-ak mơ-ai, rơnuk rơnua, pơđao pran jua giăm sang anŏ, ƀing nai hăng gơyut gơyâo. Wa čang rơmang ƀing čơđai glăk bưp tơnap tap, ƀing čơđai kual ia ling dăo amra gir run găn rơgao tơnap tap; lêng kơ hur har mơ-ak, ngă bơngač anăp kơ tơlơi hơdip hiam klă, kiăng tơdơi kơ hơjan kơthel tơlơi hơdip amra ba blai tơlơi hiam klă hăng mơ-ak mơ-ai.