Đĭ pơhiăp git gai mông jơnum, Khua mir sir ơi Lương Cường rơkâo tơring čar Phú Thọ kjăp pran gum pơgôp, mut hrŏm amăng tơlơi pơmĭn hăng bruă mă. Tŏ tui đing nao git gai, črâo ba bruă pơjing, pơplih pơkra Ping gah hăng anih anom kơđi čar brơi ngă bruă rơđah rơđông, kjăp bruă kơđi čar, tơlơi pơmĭn, bruă pơphun, kơnuih hăng mơnuih apăn bruă.

Khua mir sir đăo gơnang, Ping gah, gong gai, mơnuih ƀôn sang djop djuai ania hăng ling tơhan tơring čar Phú Thọ amra tŏ tui gru grua khăp kơ lŏn ia, pran gum pơgôp, gơgrong mă pô, hrưn đĭ kơtang, gir run ngă truh kih hơdôm hơnong pơkă amăng tơlơi pơtrun Jơnum khua mua Ping gah tơring čar tal I, pơjing Phú Thọ jai hrơi pơdrong sah, hiam klă, yâo mơ-ak, djơ̆ hăng anăn Lŏn ơi pơtao Hùng hing ang, akŏ mơng djuai ania Việt Nam, pơgôp hrŏm hăng đơ đam Ping gah, abih bang mơnuih ƀôn sang, ling tơhan ngă truh kih 2 hơnong pơkă yôm phăn 100 thun.