Pơhiăp ƀơi mông ngă lơphet, Khua mir sir ơi Lương Cường lăi pơthâo dlăm tơlơi pơmin pran jua ngă bruă tơhan Hồ Chí Minh; hơdôm tơlơi pơtrun mơ̆ng Ping gah, biă ñu lĕ jơlan blah ngă, pơgang lŏn ia, pơtom hiăp hăng Hơdră pơgang Lŏn ia amăng rơnuk anai; akŏ pơdong Khul tơhan blah ngă pơplih phrâo, kjăp bruă, hơdeč hmar, rơgơi hloh.

Khua mir sir đăo kơnang kơ abih bang khua mua, ling tơhan, mơnuih mă bruă amăng Khul tơhan blah ngă kual 3 amra kjăp pran hăng pơtrut tui gru hing ang “Gum pơgôp, prăp hlâo, pơčeh phrâo, djai drơi pô, blah dưi”, gir ngă giong djŏp bruă hơmâo jao, djru hrŏm hăng Ping gah, mơnuih ƀôn sang hăng abih bang tơhan pơgang ba kjăp Lŏn ia Việt Nam Xã hội chủ nghĩa, ba lŏn ia ta kjăp tơkai yak amăng rơnuk phrâo - rơnuk đĭ kyar pơdrong kơtang, hyuk hyak yâo mơak mơ̆ng lŏn ia Việt Nam. Ƀơi mông ngă lơphet, Khua mir sir ơi Lương Cường brơi Miđai Pơgang Lŏn ia mrô Sa kơ Khul tơhan kual 3, Ding jum ling tơhan.