Khua mir sir ơi Lương Cường tŭ jum Khua akŏ pơdong Grup MEBO International
Thứ sáu, 15:39, 31/10/2025
VOV/Siu H'Mai pơblang
VOV/Siu H'Mai pơblang
VOV.Jarai - Mơguah lơ 30/10, ƀơi plơi prong Gyeongju, amăng bruă nao pơhmư̆ Jơnum khua mua Ngă hrŏm bơwih ƀong kual ASIA - Thái Bình Dương (APEC) tal 32 hăng ngă bruă dua bơnah ƀơi Hàn Quốc, Khua mir sir ơi Lương Cường tŭ jum yă Lý Lợi, Khua akŏ pơdong Grup MEBO International dêh čar Khač.
Ƀơi mông tŭ jum, Khua mir sir ơi Lương Cường pơsit, Việt Nam leng ngă gal brơi hơdôm anom bơwih ƀong čar rơngiao, amăng anun hơmâo Grup MEBO, tŭ kơ kiăo tui djơ̆ tơlơi pơkă, tơlơi phiăn mơ̆ng Việt Nam, hơđong pran tuh pơ alin bơwih ƀong tŭ yua, hơđong kjăp hăng sui thun ƀơi Việt Nam.
Hăng tơlơi rô nao rai klă hiam plah wah Việt Nam hăng Khač, amăng anun hơmâo bruă ia jrao, Khua mir sir čang rơmang hơdôm bruă tuh pơ alin, ngă hrŏm hăng Việt Nam mơ̆ng Grup MEBO amra djru ngă kjăp tui hloh tơlơi rô nao rai dua bơnah, dua boh dêh čar jê̆ giăm, adơi ayong.
Viết bình luận