Khua mir sir pơsit tong Ping gah hăng Kơnuk kơna Việt Nam lêng kơ lăng yôm hăng čang rơmang tŏ tui kơtưn tơlơi rô nao rai giang mah gru grua hăng Mông Cổ amăng djop bruă, lăp djơ̆ hăng tơlơi gal hăng tơlơi kiăng mơng dua bơnah, djơ̆ hăng tơlơi dưi hăng tơlơi čang tơmang mơng mơnuih ƀôn sang dua bơnah dêh čar, pơgôp amăng bruă tŏ tui tơlơi rơnuk rơnua, hơđong, ngă hrŏm hăng pơđĭ kyar amăng kual hăng rŏng lŏn tơnah.

Khua mir sir pơsit tong tơlơi pơmĭn tong ten mơng Việt Nam čang rơmang ngă dơlăm ƀiă dong tơlơi rô nao rai giang mah gru grua, hơdôm tơlơi yak nao pơđĭ kyar prong, sit nik hăng djop mơta kơplah wah dua boh dêh čar. Dua bơnah kiăng tañ pok pơhai hơdôm boh tơhnal tơlơi pơkôl hơmâo kĭ amăng tal nao čuă gưl khua mua pơprong dua bơnah kah hăng boh tơhnal jơnum pơlir kơnuk kơna, sit biă ñu amăng bruă bơwih ƀong huă, sĭ mơdrô, tuh pơ alin, pơhlôm rơnuk rơnua, pơtô pơjuăt hăng tơlơi rô nao rai hơdôm boh ƀon lan. Hrŏm hăng anun, dua bơnah tŏ tui dong yua tơdruă amăng hơdôm mông jơnum jar kmar lăp djơ̆ hăng tơlơi phiăn jar kmar hăng tơlơi dưi mơng rĭm boh dêh čar.