Khua mir sir ơi Lương Cường pơsit, Việt Nam leng kơ lăng yôm, čang rơmang ƀu pơdơi gir run, pơđĭ kyar tơlơi rô nao rai mơ̆ng đưm hăng ngă hrŏm yom amăng abih bang bruă hăng dêh čar Nga.

Ƀơi mông bưp, dua bơnah kiăng pơđĭ tui tơlơi đăo kơnang kơđi čar, pơtrut ngă hrŏm ƀơi hơdôm anom bruă ping gah, Kơnuk kơna, Anom bruă pơ ala mơnuih ƀôn sang hăng tơring čar; laih dong pơbưp mơnuih ƀôn sang, gru grua, bơrơguăt drơi jăn hăng tuai čuă ngui laih anun đăo kơnang hăng tơlơi gir run mơ̆ng dua bơnah, Việt Nam hăng Nga amra ĕp jơlan ngă bruă tŭ yua či pơsir brơi tơlơi gun, tơlơi tơnap, pơtrut tui tơlơi rô nao rai dua bơnah đĭ kyar kjăp kơtang./.