Ƀơi mông tŭ jum, Khua mir sir lăi pơtong, Việt Nam lăng yom hăng čang rơmang ngă hrŏm hăng dêh čar Hungary, bơnah ngă hrŏm prong, laih dơ̆ng kiăng ngă hrŏm djop mơta, či pơ ala blung a mơ̆ng Việt Nam ƀơi kual gah ngŏ tong krah Mi kô̆.

Lăng yom boh tơhnal bơkơtuai nao rai plah wah khua pơ ala mơnuih ƀôn sang ơi Trần Thanh Mẫn hăng khua pơ ala mơnuih ƀôn sang dêh čar Hungary, Khua mir sir ơi Lương Cường čang rơmang dua boh sang bruă čih pơkra tơlơi phiăn dêh čar ngă hrŏm pơtrut tui bruă ngă čih tơlơi phiăn pơkă, găl kơ bruă ngă djru pơtrut tơlơi rô nao rai dua bơnah dêh čar, kiăng ngă djop anŏ kiăng hrŏm mơ̆ng dua bơnah, djru nao amăng bruă pơsir rơnuk rơnua, hơđong amăng kual laih anun ƀơi rŏng lŏn tơnah. Gah kơ bruă ngă hrŏm dua bơnah dêh čar, dua čô khua lêng kơ lăi Việt Nam hăng Hungary amra pơtrut ngă hrŏm tong ten hăng dong yua tơdruă amăng mông jơnum prong lu dêh čar, biă mă ñu ƀơi sang gum hơbit djop dêh čar, amăng khul ngă hrŏm ASEAN-EU; laih dơ̆ng lăi pơtong tơlơi kiăng sit pơsir kơđi tơlơi bơrơsua nao rai lĕ hăng jơlan hơdră rơnuk rơnua, pơpŭ tơlơi phiăn jar kmar, kiăng pơgang hơđong, tơlơi rơnuk rơnua ƀơi kual.