Ƀơi mông bưp, dua bơnah hơ̆k mơak ƀuh lu tơlơi pơđĭ kyar rô nao rai Việt Nam hăng Czech amăng lu bruă mă, tui hăng atur đăo kơnang kơjăp nao rai bruă kơđi čar. Prăk sĭ mơdrô nao rai dua bơnah hơmâo ba glăi lăp bơni, truh kơ 2 klai USD thun 2024 hăng 1,9 klai USD amăng 10 blan thun 2025, samơ̆ aka ƀu lăp hăng anŏ gêh găl mơ̆ng dua bơnah hơmâo ôh.

Dua boh dêh čar dŏ hơmâo lu tơlơi dưi či pơtrut đĭ rơnoh prăk sĭ mơdrô, pơtrut tuh pơ alin hăng ngă hrŏm dua bơnah amăng lu bruă mă. Khua mir sir ơi Lương Cường rơkâo sang bruă čih pơkra tơlơi phiăn dua bơnah ăt ngă hrŏm kiăng pơjing rai tơlơi phiăn ngă gêh găl kơ bruă rô nao rai dua bơnah, djơ̆ găl hăng boh tŭ yua hrŏm mơ̆ng dua bơnah dêh čả, djru pơgôp hrŏm pơgang tơlơi rơnuk rơnua hơđong, ngă hrŏm laih anun pơđĭ kyar amăng hăng amăng rŏng lŏn tơnah.