VOV4.Jarai - Pô truh pơhiăp Ding jum pơtom hiăp yă Lê Thị Thu Hằng amăng mông jơnum tlam lơ 22/9 lăi pơthâo, Khua mir sir ơi Nguyễn Xuân Phúc amra pơ ala kơ khua mua Ping gah, Kơnuk kơna Việt Nam nao pơhmư̆ mông dêh čar Japan hơ-ŭ kơ Khua dêh čar Japan ơi Abe Shinzo, ƀơi Tokyo, Japan, mơng lơ 25 truh lơ 28/9. Bruă Khua mir sir ơi Nguyễn Xuân Phúc pơ ala kơ khua mua Ping gah, Kơnuk kơna Việt Nam nao jôk, hơ-ŭ kơ Khua dêh čar Japan ơi Abe Shinzo pơdah pran jua kiăng khăp, tơlơi pơpŭ mơng khua mua, mơnuih ƀon sang Việt Nam hăng tơlơi gum djru mơng Khua dêh čar Abe Shinzo amăng bruă pơtrut tui tơlơi rô nao rai dua boh dêh čar, lăng yôm tơlơi ngă hrŏm dlăm kơplah wah Việt Nam hăng Japan. Amăng thun dŏ ngă khua, Khua dêh čar hơđăp ơi Abe Shinzo hơmâo 4 wơ̆t rai čuă dêh čar ta, khăp ƀu-eng, hăng hơmâo lu tơlơi gum pơgôp prong pơđĭ tui tơlơi rô nao rai dua bơnah, pơđĭ kyar klă, amăng abih bang bruă.

Siu H’Mai: Pơblang