VOV4.Jarai-Amăng hrơi mông dŏ  čuă hăng nao pơyua atâo rơgom Khua hơđăp Japan, ơi Shinzo Abe, Khua mir sir ơi Nguyễn Xuân Phúc hơmâo mông bơkơtuai hăng Khua dêh čar Japan, ơi Kishida Fumio. Amăng mông bưp adơi ayong gơyut gơyâo mơak, tơpă đăo kơnang nao rai, dua čô khua pơdah pran jua mơak ƀuh tơlơi pơđĭ kyar kơtang hlom, bom, tŭ yua bruă ngă giăng mah Việt Nam-Japan, laih dơ̆ng tŭ ư hơdră či ngă pơ anăp prong hloh kiăng pơtrut bruă ngă giăng mah pŭ ƀăn pok pơhư prong Việt Nam-Japan, či hơdor glăi tal 50 thun akŏ pơjing bruă pơtom hiăp Việt Nam-Japan thun 2023.

Khua mir sir ơi Nguyễn Xuân Phúc bơkơtuai hăng Khua dêh čar Japan

Dua bơnah tŭ ư ăt kơtưn đăo kơnang nao rai tong ten, brơi khua mua  dua bơnah čuă jơmư trư găn nao rai, bưp bơkơtuai bruă mă; pơtrut ngă hrom pơtom hiăp, pơgang rơnuk rơnua, pơgang lŏn ia, pơđĭ bơwih ƀong huă tŭ yua hloh; kơtưn brơi mơnuih ƀôn sang nao rai hrăm tơdruă gru grua hiam boh thâo ia rơgơi, tuai čuă ngui.

Nay Jek: Pơblang