VOV4.Jarai - Tlam lơ 21/9, ƀơi Ƀirô mă bruă, Khua mir sir ơi Nguyễn Xuân Phúc hơmâo mông bưp ƀô̆ mơta 45 čô khua mua ba gru lĕ ƀing apăn bruă Ping gah, mơnuih arăng đăo gơnang amăng mơnuih djuai ania ƀiă mơng rơbêh 20 djuai ania amăng tơring čar Cao Bằng. Đĭ pơhiăp amăng mông bưp, Khua mir sir lăi pơtong, anai lĕ bruă yôm phăn amăng pơjing anih anom kơđi čar ƀơi ƀon lan, pơhlôm pơgang rơnuk rơnua, kơtưn gum pơgôp mut hrŏm djop djuai ania, djă pioh gru grua mơng djop djuai ania, jing gong jơlan kơplah wah gong gai hăng mơnuih ƀon sang.

Pơ anăp anai, Khua mir sir čang rơmang Ping gah, gong gai hăng ƀing khua pơ ala mơnuih djuai ania ƀiă  amăng tơring čar Cao Bằng tŏ ngă tui bruă jao amăng pơhrŏ trun ƀun rin. Kiăng kual čư̆ siăng triang pơtâo tañ bơkơnar hăng kual dơnung, ƀing khua mua pơ ala mơnuih djuai ania ƀiă amăng tơring čar, ngă lar hyu pran gum pơgôp, gir run amăng tơlơi hơdip mơda, pơgôp amăng pơjing plơ pla lŏn ia.

Siu Đoan: Pơblang