Amăng mông bưp, dua čô khua tŭ ư pơtrut hơdôm tơlơi gir run kiăng tŏ tui ba tơlơi rô nao rai dua bơnah jai hrơi dơlăm hăng tŭ yua sit nik, amăng anun đing nao bruă kơtưn pơbưp nao rai khua mua pơprong hăng djop gưl, tŏ tui ngă hrŏm amăng djop mơta bruă jao hrơi hiam klă anun lĕ amăng kual ia rơsĭ, ngă hmua - akan hơdang, pơtô pơjuăt, bruă mă …

Laih dong pok prong ngă hrŏm amăng hơdôm bruă hơmâo lu tơlơi dưi anun lĕ bong glăi ayuh hyiăng pơplih sat, bơwih ƀong mă yua boh thâo phrâo, pơđĭ kyar mơtah, sĭ mơdrô amăng plang điện tử, apui lơtrik hơdjă. Pơlăi nao rai bruă amăng kual hăng jar kmar giăm anai, dua čô khua hơmâo pơsit tong pran gir run amra tŏ tui gum hrŏm kjăp kiăng pơtrut gum pơgôp hăng pran gơgrong phun mơng ASEAN amăng bruă pơhlôm rơnuk rơnua, wŏt ƀơi kual ia rơsĭ ngŏ, gum pơgôp amăng tơlơi gir run pơjing anih dŏ hơdip rơnuk rơnua hăng pơđĭ kyar amăng kual hăng jar kmar.