VOV4.Jarai - Lơ 28/9, Khua mir sir ơi Nguyễn Xuân Phúc hơmâo bưp Ơi pơtao Japan Naruhito, ƀrô hrơi nao jôk rơgŏm ơi Abe Shinzo - Khua hơđăp dêh čar Japan, mơnuih jê̆ giăm hăng lŏn ia, mơnuih ƀon sang Việt Nam ƀơi Tokyo, Japan. Ƀơi mông bưp, Khua mir sir ơi Nguyễn Xuân Phúc lăi ñu rơngôt biă mă hăng tơlơi djai brŭ mơng Khua dêh čar Abe Shinzo; pơsit tơlơi kiăng khăp, ƀu-eng prong, pran jua gir run pơtrut tui tơlơi rô nao rai dua bơnah Việt Nam - Japan jai hrơi kơtang tui, prong hloh lĕ bruă pơđĭ tui tơlơi ngă hrŏm prong, dlăm hloh yua kơ tơlơi rơngai, tơlơi pơdrong asah ƀơi kual ASIA thun 2014, jing gơnam yôm biă mă kiăng dua boh dêh čar djă pioh hăng pơtrut tui.

Pơtao dêh čar Japan lăi bruă đăo gơnang, thâo hluh nao rai kơplah wah mơnuih ƀon sang dua boh dêh čar hluai tui bruă jơnum bơbưp nao rai, biă ñu amăng thun ngă lơphet 50 thun akŏ pơdong tơlơi rô nao rai Việt Nam - Japan, jing yôm biă mă hăng tơlơi đĭ kyar mơng dua boh lŏn ia.

Siu H’Mai: Pơblang