Bơni kơ Khua mir sir pioh mông tŭ jum, ƀing mơnuih rơgơi kơhnâo bơwih ƀong huă ASEAN bơni hơ-ơč kơ Việt Nam hơmâo pơphun jơnum, kiăng tŭ yua jơnum FAEA-45 thun anai, mông gê găl pioh kơ ƀing mơnuih rơgơi kơhnâo bơwih ƀong huă pơčrông sai, hrăm tơdruă tơlơi thâo thăi, ăt kah hăng bơkơtuai ĕp anŏ gêh găl hăng pơsir tơlơi lông lăng amăng tơlơi bơwih ƀong huă amăng kual tơdơi kơ abih klin Covid 19 hăng pơsir lu tơlơi lông lăng jing anŏ gêh găl.

Ƀing khua mua rai jơnum pơdah pran jua mơak biă ƀuh hnong pơđĭ kyar ƀơi Việt Nam hăng hrăm tui tơlơi thâo thăi rŭ pơdong bruă mă, pơtrut bơwih ƀong huă. Pơhiăp ƀơi mông tŭ jum, Khua mir sir lăi nao tơlơi lông lăng bơwih ƀong huă amăng rŏng lŏn tơnah, rơkâo ƀing mơnuih rơgơi kơhnâo bơwih ƀong huă ASEAN pơbŭ đĭ hăng pơtrut ngă djơ̆ tơhnal pơtrun prong. Pơgang klă glông bruă sĭ mơdrô jar kmar bơkơnar, tơpă hăng tŭ yua jing sa boh anih ngui hrom rŏng lŏn tơnah, blung hlâo lĕ amăng khul ngă hrom kual ASEAN.