VOV4.Jarai-Mơguah lơ 18/10, ƀơi Sang bruă khua mir sir, ơi Nguyễn Xuân Phúc, Khua mir sir dêh čar ta tŭ jum Khua ding jum pơtom hiăp dêh čar Hàn Quốc, Park Jin rai čuă sit nik Việt Nam, ƀrô djơ̆ tal 30 thun akŏ pơjing hrơi ngă giăng mah dua bơnah dêh čar. Khua mir sir ơi Nguyễn Xuân Phúc bơni kơ Khua ding jum pơtom hiăp Hàn Quốc rai čuă jơmư Việt Nam, dêh čar kual Ngŏ dơnung ASIA blung a, tơdơi kơ đĭ ngă khua, laih dơ̆ng lăi, ping gah, kơnuk kơna hăng mơnuih ƀôn sang Việt Nam čang rơmang ba tơlơi ngă giăng mah Việt Nam hăng Hàn Quốc pơđĭ kyar hloh. Khua mir sir ăt lăi, Việt Nam jing anih rai rơnuk rơnua mơak, hơđong hăng ngă gêh găl kơ anom bruă sĭ mơdrô mơ̆ng Hàn Quốc tuh pơ alin sĭ mơdrô sui thun.

Mông jơnum tŭ jum

Dua bơnah ăt khom kơtưn hloh, kiăng dưi pơhrui glăi prăk sĭ mơdrô mơ̆ng dua bơnah hăng rơnoh truh 100 klai USD thun pơ anăp hăng 150 klai USD thun 2030 tui hăng anun ngă bơkơnar pơđĭ tui hnong pơhrui glăi kơ Hàn Quốc hăng Việt Nam. Khua ding jum pơtom hiăp Hàn Quốc, Park Jin ăt pơdah rai pran jua pap drap mơnuih ƀôn sang Việt Nam phrâo găn rơgao kơthel ia ling dăo ngă hăng lăi, Hàn Quốc lăng kơ Việt Nam jing gơ̆p sĭ mơdrô yôm biă mă pioh djru pơđĭ kyar ODA.

VOV/Nay Jek: Pơblang