Khua mir sir ơi Nguyễn Xuân Phúc čơkă Khua git gai pơ ala mơnuih ƀon sang gơnong glông dêh čar Kur ba jơlan khua mua pơprong mơng dêh čar Kur rai čuă sit nik dêh čar Việt Nam, pơsit tong ơi Samdech Say Chhum lĕ gơyut gơyâo jê̆ giăm hăng Việt Nam.

Mông bưp

Bơni kơ Khua mir sir ơi Nguyễn Xuân Phúc pioh mông čơkă, ơi Samdech Say Chhum, Khua git gai pơ ala mơnuih ƀon sang gơnong glông dêh čar Kur lăi pơtong tal rai čuă anai kiăng pơtrut tơlơi rô nao rai hiam klă kơplah wah dua boh dêh čar.

Khua mir sir ơi Nguyễn Xuân Phúc tŭ jum Khua pơ ala mơnuih ƀon sang gơnong glông dêh čar Kur, ơi Samdech Say Chhum

Lăi pơthâo kơ boh tơhnal amăng mông jơnum bơkơtuai hăng Khua git gai pơ ala mơnuih ƀon sang dêh čar Việt Nam ơi Vương Đình Huệ, ơi Samdech Say Chhum brơi thâo dua bơnah hơmâo hơdră anăp nao ngă hrŏm kơplah wah anom bruă čih pơkra tơlơi phiăn pơ anăp anai; mơng anun pơgôp ngă kjăp hăng dơlăm tui tơlơi rô nao rai ngă hrŏm kơplah wah dua anom bruă čih pơkra tơlơi phiăn. ơi Samdech Say Chhum ăt hơmâo tơlơi bơni hơ-ơč dêh čar Việt Nam hơmâo djru brơi dêh čar Kur lơ̆m ngă Khua git gai kual ASEAN thun 2022.