Khua mir sir ơi Tô Lâm bơni lu biă mă kơ Khul khua mua apăn bruă ping gah, kơnuk kơna, khua mua pơ ala mơnuih ƀôn sang hăng jơnum min djop djuai ania dêh čar Lao hơmâo rai jôk hăng mơ-it guang bơnga jôk mơyut Khua git gai ping gah ơi Nguyễn Phú Trọng rơngiă, laih anun pioh 2 hrơi h’ŭ đơ đam dêh čar laih anun brơi rai khua git gai, khua mir sir dêh čar Lao ba jơlan hlâo rai pơyua atâo, pơdah pran jua khăp pơpŭ tong ten mơ̆ng gơyut gơyâo adơi ayong jĕ giăm, kjăp kơtang, hơmâo tơlơi hơgĕt ƀuh ƀô̆ mơta, djru ba kah pơpha tơlơi hning rơngôt tơdruă dua bơnah dêh čar, mơnuih ƀôn sang.
Khua mir sir ơi Tô Lâm lăi pơtong, mah ngă bruă hơgĕt hai, Khua git gai ping gah ơi Nguyễn Phú Trọng ăt lăng yôm mrô sa, pioh pran jua pơpŭ yôm phara, lir hơbit adơi ayong hăng dêh čar Lao, jĕ giăm, tong ten biă mă hăng ƀing khua mua adơi ayong dêh čar Lao, amăng anun hăng ơi Thongloun Sisoulith, đing nao pơbŭ đĭ tơlơi khăp pap, gum pơgôp, ngă hrŏm hlom bom plah wah Việt Nam hăng Lao laih anun Kur, lăng anai sa bruă mă khom ngă, kah hăng phiăn ngă kơ tơlơi hơdip mơda, dŏ dong ƀong huă, sa bruă mă yôm mrô sa kơ bruă pơgang tơlơi rơnuk rơnua pơđĭ kyar lŏn ia hơdôm bơnah.
Viết bình luận