Khua mir sir ơi Võ Văn Thưởng pơsit, hơdră ngă bruă khŏp mơ̆ng Việt Nam lĕ lăng yôm tơlơi đĭ kyar rô nao rai mơ̆ng đưm hlâo laih anun ngă hrŏm amăng lu bruă hăng hơdôm boh dêh čar kual Trung Á, amăng anun hơmâo tom Uzbekistan, čang rơmang tơlơi rô nao rai dua bơnah Việt Nam hăng Uzbekistan đĭ kyar hloh dong, kiăo tui tơlơi klă hiam mơ̆ng mơnuih ƀôn sang dua bơnah.

Hluai tui bruă pơtŏng glăi tơlơi gêh gal ngă bruă, Khua mir sir kiăng dua bơnah pơtrut tui dơ̆ng ngă hrŏm bơwih ƀong - sĭ mơdrô glăk klă hiam amăng hrơi blan giăm anai, laih dong ngă dlăm tui dong hơdôm bruă dưi đĭ kyar pơkŏn kah hăng pơtô pơjuăt, gru grua, tuai čuă ngui, pơbưp mơnuih ƀôn sang, kơsem min pok jơlan rơdêh por por tơkuh dua boh dêh čar. Khua mir sir ơi Võ Văn Thưởng kiăng dua bơnah pơtrut tui pơbưp nao rai djŏp gưl, biă ñu lĕ gưl prong, kiăng đăo kơnang hloh laih anun thâo hluh nao rai tơdruă, pok prong tơlơi ngă hrŏm dua bơnah amăng djŏp bruă mơ̆ dua bơnah gêh gal dưi djru nao rai.