Khua mir sir ơi Võ Văn Thưởng git gai mông čơkă Khua mir sir Mông Cổ
Thứ tư, 09:51, 01/11/2023
VOV/Siu Đoan Pơblang
VOV/Siu Đoan Pơblang
VOV4.Jarai - Tlam anai (1/11) ƀơi Anom bruă khua mir sir, tui jơlan hơdră prap lui hlâo, Khua mir sir ơi Võ Văn Thưởng amra git gai mông čơkă sit nik Khua mir sir Mông Cổ Ukhnaagiin Khurelsukh rai čuă hăng mă bruă ƀơi Việt Nam.
Khua mir sir Mông Cổ Ukhnaagiin Khurelsukh hăng bơnai ñu rai čuă gưl Kơnuk kơna pơ Việt Nam dong mơng lơ 1/11 truh lơ 5/11, tui tơlơi git gai mơng Khua mir sir ơi Võ Văn Thưởng hăng bơnai ñu.
Amăng tal rai čuă hăng mă bruă ƀơi Việt Nam, Khua mir sir Mông Cổ Ukhnaagiin Khurelsukh him lăng amra hơmâo lu bruă mă anun lĕ: nao dưm guang bơnga ƀơi pơsat jĕp khua mir sir Hồ Chí Minh, Gong kut pioh hơdor tơhan djai pơsăn drơi, nao čuă anom bruă git gai tơhan blah ječ, nao ƀong huă hrŏm, jơnum bơkơtuai anom bơwih ƀong sĭ mơdrô Việt Nam-Mông Cổ. Khua mir sir Ukhnaagiin Khurelsukh him lăng amra hơmâo mông bưp khua mua pơprong dêh čar Việt Nam.
Viết bình luận