Lăng glăi giăm 30 thun dua boh dêh čar akŏ pơjing bruă ngă giăng mah pơtom hiăp, Khua mir sir lăi pơtong, Việt Nam hăng Kazakhstan hơmâo djop anŏ gêh găl kiăng jing ƀing đui đươk gơyut gơyâo hiam klă pơđĭ kyar phrâo. Pơhiăp amăng mông ƀong huă pŭ asơi kơ tuai, Khua mir sir ơi Võ Văn Thưởng lăi pơtong, dua boh dêh čar hok mơak kơ tơlơi gum pơgôp djuai ania, giăng mah, pŭ ƀăn tong ten biă mă, ngă hrŏm ƀu pơdơi ôh pơbŭ tui na nao, jai hrơi kjăp hăng pơđĭ kyar.

Tal čuă jơmư anai, khua mua dua bơnah dêh čar hơmâo tŭ ư hĭ anăp ngă hrŏm pơtrut bơwih ƀong huă đăo kơnang nao rai, Khua mir sir đăo kơnang hăng tơlơi pơmin bruă mă, git gai tong ten mơ̆ng khua mua dua bơnah dêh čar, ngă tui djop hră kĭ pơkôl tal rai čuă jơmư anai dua bơnah pok pơhai tŭ yua hloh, ba bruă ngă giăng mah Việt Nam-Kazakhstan jai hrơi pơđĭ kyar.