Tơdơi kơ mông čơkă, dua čô khua hơmâo mông pơčrông sai. Anai lĕ tal rai čuă Việt nam blung a mơng ơi Tokayev dong mơng hrơi ñu đĭ ngă khua amăng thun 2019, anai ăt lĕ tal rai čuă Việt Nam blung a mơng sa čô khua mir sir Kazakhstan amăng 12 thun laih rơgao. Việt Nam hăng Kazakhstan hơmâo akŏ pơjing tơlơi rô nao rai pơtôm hiăp amăng lơ 29/6/1992. Thun hlâo, dua bơnah hơmâo hơdor glăi 30 thun akŏ pơjing tơlơi rô nao rai.

Mơng hrơi hơmâo tơlơi pơkôl sĭ mơdrô rơngai Việt Nam-Khul pơlir hơbit bơwih ƀong huă Asia-Mi kô̆ (EAEU), hơmâo hơdôm boh dêh čar Armenia, Belarus, Kazakhstan, Nga hăng Kyrgystan dưi ngă tui thun 2016, rơnoh sĭ mơdrô dua bơnah Việt Nam -Kazakhstan đĭ dưm dưm giăm 28% amăng ha thun. Rơnoh sĭ mơdrô dua bơnah thun 2022 giăm 600 đôlar Mi. Dua bơnah ba tơbiă hơnong pơkă rơnoh sĭ mơdrô đĭ 1 klai 500 klăk đôlar Mi amăng thun 2030.