Amăng mông bưp, Khua mir sir ơi Võ Văn Thưởng pơsit tong kơ bruă pơđĭ kyar amăng pơbưp nao rai mơnuih ƀon sang, ngă hrŏm gru grua, pơtô pơjuăt Việt Nam-Japan. Khua mir sir pơsit tong tơlơi rô nao rai dua bơnah ră anai glăk amăng thun blan pơđĭ kyar hiam klă hloh dong mơng hlâo truh ră anai hăng hơmâo djop mơta kiăng hrưn đĭ pơplih phrâo pơ anăp dong.

Khua mir sir pơpŭ bơni hăng čang rơmang Japan tŏ tui đing nao ngă gêh gal brơi giăm 500 rơbâo čô mơnuih ƀon sang Việt Nam glăk hơdip, hrăm hră hăng mă bruă ƀơi Japan; laih dong brơi thâo Việt Nam amra ngă gêh gal hloh kiăng anom bơwih ƀong sĭ mơdrô, mơnuih ƀon sang Japan dưi bơwih ƀong sĭ mơdrô, dŏ hơdip ƀơi Việt Nam.