Khua mir sir ơi Võ Văn Thưởng pơsit, Khua anih jưh hơmâo lu tơlơi gum djru prong biă amăng bruă pơtrut tơlơi rô nao rai kơplah wah Việt Nam hăng Nigeria, bơni hơ-ơč kơ Nigeria hơmâo lu tơlơi dưi ngă amăng bơwih ƀong huă mơnuih mơnam yơyôm amăng hrơi blan rơgao. Kơ bruă ngă hrŏm dua bơnah, Khua mir sir ơi Võ Văn Thưởng lăng yôm tơlơi ngă hrŏm kơplah wah Nigeria hăng Việt Nam hrơi blan rơgao, biă ñu hơdôm bruă ngă hrŏm bơwih ƀong huă - mơnuih mơnam.

Pơsit Việt Nam hơmâo jơlan hơdră pơtom hiăp rơngai, gơgrong mă pô yua kơ tơlơi rơnuk rơnua, ngă hrŏm pơđĭ kyar, ngă hrŏm hăng lu dêh čar tač rơngiao, jing gơyut gơyâo, jing gŏp ngă hrŏm đăo kơnang laih anun jing ding kơna ngă bruă klă, gơgrong bruă amăng jar kmar, Khua mir sir brơi thâo, Việt Nam čang rơmang pơđĭ kyar hloh dong tơlơi rô nao rai hăng Nigeria amăng djŏp bruă. Dua bơnah kiăng pơtom hiăp, bơbưp nao rai djŏp gưl lu hloh dong; pơtrut tui hloh bruă ngă hrŏm kơplah wah hơdôm ding jum, anom bruă; pơhiăp nao rai, ngă hrom hăng djŏp bruă hơmâo amăng kual wơ̆t hăng ƀơi rŏng lŏn tơnah.