Amăng mông bưp, Khua anih jưh Yerlan Baizhanov pơdah pran jua kiăng khăp hăng dêh čar laih dong mơnuih ƀon sang Việt Nam; laih dong brơi thâo, amăng rơwang thun mă bruă, hơmâo tơlơi dong yua, gum djru mơng Ding jum pơtom hiăp hăng hơdôm anom bruă bơdjơ̆ nao ƀơi Việt nam. Khua mir sir lăi pơtong, Việt Nam hăng Kazakhstan hơmâo lu tơlơi bơkơnar amăng gru grua; hrŏm hăng anun lĕ găn rơgao lu tơlơi tơnap tap amăng wai pơgang, pơklaih rơngai lŏn ia đưm hlâo adih hăng pơjing lŏn ia ră anai, dua bơnah lĕ gơyut gơyâo hiam klă.

Khua mir sir đăo gơnang hăng tơlơi thâo hluh dơlăm kơ gru grua, lŏn ia, ană mơnuih Việt Nam, mah ngă bruă hơget, Khua anih jưh Yerlan Baizhanov ăt kiăng khăp dêh čar Việt Nam, jing gơyut gơyâo, ƀu pơdơi gum pơgôp hăng pơtrut tơlơi rô nao rai giang mah kơplah wah Việt Nam hăng Kazakhstan.