Amăng mông bưp, Khua mir sir ơi Võ Văn Thưởng pơsit tong Việt Nam hlâo adơi ăt dưm kơnar soh, sit biă ñu lăng yôm tơlơi rô nao rai ngă hrŏm djop mơta hăng dêh čar Nga. Khua mir sir tŭ ư hăng tơlơi pơgôp mơng Khua Duma dêh čar Nga kơ bruă ngă hrŏm bơwih ƀong huă-sĭ mơdrô, tuh pơ alin amăng thun blan rơgao aka ƀu pơhlôm tui tơlơi kiăng, samơ̆ anai lĕ tơlơi gir run mơng dua bơnah amăng thun blan bưp lu tơlơi tơnap tap.

Pơ anăp anai, Khua mir sir rơkâo dua bơnah tŏ tui pơtrut kơtang pơbưp nao rai khua mua pơprong, yua bruă pơbưp kiăng pơčrông sai, gir run gum hrŏm găn rơgao tơnap tap lĕ bruă akŏ phun hăng kiăng hloh hăng dêh čar ngă gŏp sui thun. Khua mir sir čang rơmang ngă hrŏm kơplah wah dua bơnah amăng bruă ling tơhan, boh thâo măi mok, pơtô pơjuăt, gru grua hăng pơbưp nao rao mơnuih ƀon sang amra tŏ tui pơđĭ kyar kơtang pơ anăp anai.