Khua mir sir ơi Võ Văn Thưởng bơni hơ-ơč kơ yă Viengthong Siphandon hăng Grup khua sang phăt kơđi mơnuih ƀôn sang Lao rai čuă hăng mă bruă tom Sang phăt kơđi mơnuih ƀôn sang Việt Nam; kơnang tal rai čuă anai amra hruă kơjăp hloh tơlơi rô nao rai ngă hrŏm kơplah wah dua Sang phăt kơđi dêh čar; laih dong djru pơbuă tui tơlơi rô nao rai giăng mah pŭ ƀăn, gum pơgôp yôm  pơphăn, ngă hrŏm abih bang kơplah wah Việt Nam - Lao.

Lăi pơthâo hăng Khua mir sir kơ bruă bơkơtuai hăng Khua sang phăt kơđi dêh čar Việt Nam Nguyễn Hoà Bình, yă Viengthong Siphandon brơi thâo, dua boh dêh čar hơmâo lăi nao hơdôm jơlan hơdră ngă hrŏm; pơtrut tui tơlơi hơmâo ngă mơ̆ng “Thun blan gum pơgôp giăng mah Việt Nam - Lao, Lao - Việt Nam”. Dua bơnah ăt tŭ ư pơtrut tui gru grua hiam mơ̆ng tơlơi rô nao rai yôm kơplah wah Việt  - Lao mơ̆ mơ̆ng rơnuk khua mua đưm akŏ pơjing, pơđĭ kyar.