Khua mir sir ơi Võ Văn Thưởng tŭ jum Ping gah Công Minh Japan
Thứ năm, 09:22, 24/08/2023
VOV/Siu Đoan Pơblang
VOV/Siu Đoan Pơblang
VOV4.Jarai- Mơguah lơ 23/8, ƀơi Ƀirô mă bruă, khua mir sir ơi Võ Văn Thưởng tŭ jum ƀing khua mua Ping gah Công Minh dêh čar Japan yua ơi Yamaguchi Natsuo, Khua git gai Ping gah, ba jơlan hlâo rai čuă hăng mă bruă ƀơi Việt nam.
Rai čuă Việt Nam tơdơi kơ rơbêh 30 thun dong mơng thun 1991, ơi Yamaguchi Natsou pơpŭ Việt Nam hơmâo tơlơi pơđĭ kyar kơtang hloh. Ñu čang rơmang dua bơnah tŏ tui pơbưp nao rai khua mua, čang rơmang tañ čơkă Khua mir sir ơi Võ Văn Thươtng nao čuă dêh čar Japan, anai lĕ jing akŏ phun kiăng pơtrut kơtang tơlơi rô nao rai dua bơnah.
Khua mir sir rơkâo dua bơnah gum hrŏm kjăp ƀiă dong, tŏ tui dong yua tơdruă amăng hơdôm mông jơnum jar kmar hăng djop bơnah, čang rơmang, Ping gah Công Minh yua ơi Yamaguchi Natsuo lơm ngă Khua git gai amra tŏ tui hơmâo tơlơi dong yua mơng mơnuih ƀon sang Japan hăng pơtrut tơlơi rô nao rai ngă hrŏm hăng Việt Nam jai hrơi hiam klă, tŭ yua ƀiă dong pơgi kơdih anai.
Viết bình luận