Jơlan hơdră anai hơmâo pơdah amăng hơdôm plang mơnuih mơnam mơng Khul hlăk ai čơđai gơnong glông, hơdôm plang “Hlăk ai Việt Nam” hăng hơmâo pơlăng nao rai kơplah 14 anih ƀơi hơdôm boh tơring čar, ƀon prong Hà Giang, Hà Nội, Lào Cai, Ninh Bình, Hải Phòng, Quảng Ninh, Hà Tĩnh, Dak Lak, Lâm Đồng, Đồng Nai, Bình Dương, Hồ Chí Minh, Bến Tre, Kiên Giang.

Kơnong ƀơi anih phun ƀơi Bình Phước hơmâo 1.000 čô čơđai  nao ngui ngor hrŏm. Hơmâo pơphun dong mơng lơ 19/9 truh lơ 29/9 thun anai, jơlan hơdră ngui bơyan blan bơrơmi brơi ƀing čơđai hang anăn “kơđen pơtŭ ngă bơngač pơgi kơdih” hơmâo hăng glăk hơmâo hlăk ai čơđai djop gưl, djop grup pơphun hăng lu bruă mă phara hăng rơbêh 5 klăk boh kơđen pơtŭ hăng gơnam ƀơk brơi ƀing čơđai đơ đam dêh čar. Anai lĕ gơnam ƀơi amăng mlăm ngui blan bơrơmi brơi ƀing čơđai tơnap tap. Đĭ pơhiăp amăng mông ngui, Khua mir sir ơi Võ Văn Thưởng mơ-it nao ƀing čơđai đơ đam dêh čar tơlơi tơña blan hiam klă hăng čang rơmang khul hlăk ai rơnuk Hồ Chí Minh hăng hơdôm anih anom, khul grup hăng abih bang mơnuih tŏ tui gum tơngan hrŏm kiăng “rĭm thun ƀing čơđai ăt hơmâo mông ngui, pơčeh phrâo, pơdah tơlơi hok mơ-ak”.