Tŭ jum khua anih jưh pơ ala dêh čar New Zealand, Khua mir sir, Võ Văn Thưởng lăng yôm bruă mă mơ̆ng khua anih jưh hơmâo pơgôp hrŏm klă hăng tŭ yua, ngă kjăp tui bruă giăng mah, pŭ ƀăn plah wah Việt Nam hăng New Zealand. Khua mir sir, Võ Văn Thưởng čang rơmang, pơ anăp anai, hăng bruă mă mơ̆ng pô, Khua anih jưh pơ ala ăt pioh lu mông, tơlơi khăp hăng pơtrut tui bruă ngă hrŏm Việt Nam-New Zealand.

Tŭ jum Khua anih jưh pơ ala dêh čar Peru, Khua mir sir bơni kơ khua anih jưh pơ ala, ơi Augusto Morelli ngă giong hiam klă bruă jao amăng hơdôm thun ngă bruă ƀơi Việt Nam, abih 6 thun, djru hrŏm prong biă mă bruă ngă giăng mah hiam klă Việt Nam-Peru. Dêh čar Peru lĕ bơnah ngă hrŏm yôm mơ̆ng Việt Nam amăng bruă ngă giăng mah lơ̆m kual Mỹ Latinh hăng kah pơpha tơlơi lăng nao pơ anăp adih, djru nao rai tơdruă amăng mông jơnum lơ̆m kual hăng jar kmar. Khua mir sir pơpŭ kơ Khua anih jưh pơ ala ngă giong bruă jao phrâo hăng anăp nao kơ bruă pơtrut ngă giăng mah hiam klă Việt Nam-Peru.